近日睇咗隻DVD睇, 套戲叫 “羅拔神家族” , 卡通片嚟o既, 戲裏面有一小朋友嘅角色叫呀『嘟』
, 呢一個名令我諗起我有一個朋友『肥基』, 因為佢幫我改咗一個花名, 就係叫呀『嘟』, 正如戲裏一樣, 我到而家都唔知點解佢要叫我做呀『嘟』??? 其實我啲朋友都同我改咗好多個花名、別名、例如:
『菠蘿』小姐叫我『大口』
―― 因為佢話我影証件相時笑到成個『大口仔』公仔咁。
『亨』先生叫我『呀臭』
―― 大概我相信佢話我脾氣臭掛??
『老葉』呀Sir叫我『小寶』
―― 佢話我短頭髮走去電髮, 成個溤寶寶咁喎! 呢一個名依家啲同事都係咁叫我o既!
『大支野』先生叫我『肥嘢』
―― 因為我肥喎!
『肥煥』小妹妹叫我『Lalu』
―― 呢一個名我都唔知點解? 我得閒問番佢先!!
『皇后』小姐叫我『BoBo』―― 因為我叫小寶, 佢咪幫我改呢個英文名囉! 其實我英文名叫『Athena』!!
『烏鴉』家姐叫我做呀『糊』 ―― 因為佢細細個學講嘢o既時候想叫我做呀妹, 但係又講唔正, 將呀妹讀成呀『糊』囉! 撹到由細到大啲親戚都係咁叫我。
『老媽子』媽媽叫我『呀妹』/『糊仔』
『老朋友』叫我『呀關』
―― 因為我姓關囉!!
『婉芝』好朋友叫我『麗娟』―― 因為這是我的名字。
『豪豪』先生叫我『娟娟』
―― 因為我叫佢豪豪,佢味叫我做『娟娟』!
『GayGay』先生稱呼我『賴小姐』,
――因為一次洗衣舖店員叫錯我的姓氏,佢就話呢個姓啱嗮我喎!
嘩,實在太多稱呼,別名,花名,其實都係一句唷!我就是我!
全站熱搜
留言列表
