KWAN Monjuanjuan的部落格

前幾日同一位朋友傾計,得知佢2個月後做新郎哥了，要結婚！我感到顎然！因為早前都未聽見他拍拖，原來他跟一個由相識至一起拍拖只有三個星期嘅女仔結婚。我問他點解有咁嘅決定，佢話覺得呢個女仔好啱佢，大家又好夾，所以雙方都有這方想法去結婚！

世事o既嘢真係難講，尤其是「緣份」呢樣嘢！我身邊有些朋友拍咗4 年, 7年, 10年都未結婚， 最終還是分開了，但有好多朋友, 拍拖1、2年, 甚至乎幾個月就結婚, 所以我亦明白一個道理.........「別讓愛情等得太久」, 有好多事錯過了就沒有！

無論怎樣, 我都衷心祝福我這位朋友與他的未婚妻幸福快樂!

(唔知將來我會否像這位朋友一樣……『閃電結婚』呢?)   

哈!哈!

近日睇咗隻DVD睇, 套戲叫 “羅拔神家族” , 卡通片嚟o既, 戲裏面有一小朋友嘅角色叫呀『嘟』, 呢一個名令我諗起我有一個朋友『肥基』, 因為佢幫我改咗一個花名, 就係叫呀『嘟』, 正如戲裏一樣, 我到而家都唔知點解佢要叫我做呀『嘟』??? 其實我啲朋友都同我改咗好多個花名、別名、例如:

『菠蘿』小姐叫我『大口』―― 因為佢話我影証件相時笑到成個『大口仔』公仔咁。

『亨』先生叫我『呀臭』―― 大概我相信佢話我脾氣臭掛??

『老葉』呀Sir叫我『小寶』―― 佢話我短頭髮走去電髮, 成個溤寶寶咁喎! 呢一個名依家啲同事都係咁叫我o既!

『大支野』先生叫我『肥嘢』―― 因為我肥喎!

『肥煥』小妹妹叫我『Lalu』―― 呢一個名我都唔知點解? 我得閒問番佢先!!

『皇后』小姐叫我『BoBo』―― 因為我叫小寶, 佢咪幫我改呢個英文名囉! 其實我英文名叫『Athena』!!

『烏鴉』家姐叫我做呀『糊』 ―― 因為佢細細個學講嘢o既時候想叫我做呀妹, 但係又講唔正, 將呀妹讀成呀『糊』囉! 撹到由細到大啲親戚都係咁叫我。

『老媽子』媽媽叫我『呀妹』/『糊仔』

『老朋友』叫我『呀關』―― 因為我姓關囉!!

『婉芝』好朋友叫我『麗娟』―― 因為這是我的名字。

『豪豪』先生叫我『娟娟』―― 因為我叫佢豪豪,佢味叫我做『娟娟』!

『GayGay』先生稱呼我『賴小姐』,――因為一次洗衣舖店員叫錯我的姓氏,佢就話呢個姓啱嗮我喎!

嘩,實在太多稱呼,別名,花名,其實都係一句唷!我就是我!